Tere Bina Zindagi Se

Song: Tere Bina Zindagi Se
Movie: Aandhi
Singer: Lata Mangeshkar, Kishore Kumar
Lyrics: Gulzar
Music: R.D. Burman

*** Song 'Tere Bina Zindagi Se' Lyrics ***

Barso baad mile hai
Aisa lagta hai ke woh kisi aur sadi ki baat thi
Uhm shayad un dino ki baat hogi jab ye imarat ujadi nahin thi
Ahn peechle kisi janam ki baat hi to lagti hai
Ek kaam kare jab tak tum yahan ho roz ghar pe khaane ke liye to aaya hi karogi. Khaane ke baad ghumne nikal aaya karenege. Kamas kam ye imarat kuch dino ke liyo to bas jaayegi.
Tumhari shawl kahan hai
Uhm Han ha ha bhool gayi. Ahm na na
Tum nahin badlogi, lo

Tere bina zindagi se koi shikwa to nahin
Shikwa nahin shikwa nahin shikwa nahin
Tere bina zindagi bhi lekin zindagi to nahin
Zindagi nahin zindagi nahin zindagi nahin
Tere bina zindagi se shikwa to nahin

Kaash aisa ho tere kadmo se chun ke manzil chale
Aur kahin durr kahin
Kaash aisa ho tere kadmo se chun ke manzil chale
Aur kahin durr kahin
Tum agar saath ho manzilo ki kami to nahin
Tere bina zindagi se koi shikwa to nahin
Shikwa nahin shikwa nahin shikwa nahin

Suno Aarti ye jo phoolon ki bele nazar aati hai na, darasal ye bele nahin hai arabi mein aayate likhi hai. Isse din ke waqt dekhna chahiye bilkul saaf nazar aati hai. Din ke waqt ye saara paani se bhara rehta hai. Din ke waqt jab ye phuware ..
Kyun kar rahe ho, kahan aa paaogi main din mein
Ye jo chaand hai na isse raat mein dekhna, ye din mein nahin nikalta
Ye to roz nikalta hoga
Haan lekin beech mein amavas aa jaati hai. Waise to amavas pandrah din ki hoti hai lekin is baar bahaut lambi thi
Nau baras lambi thi na

Jee mein aata hai tere daaman mein sir chhupa ke hum
Rote rahe rote rahe
Jee mein aata hai tere daaman mein sir chhupa ke hum rote rahe rote rahe
Teri bhi aankhon mein aasoun ki nami to nahin
Tere bina zindagi se koi shikwa to nahin
Shikwa nahin shikwa nahin shikwa nahin
Tere bina zindagi bhi lekin zindagi to nahin
Zindagi nahin zindagi nahin zindagi nahin

Tum jo keh do to aaj ki raat chaand dubega nahin
Raat ko rok lo
Tum jo keh do to aaj ki raat chaand dubega nahin
Raat ko rok lo
Raat ki baat hai aur zindagi baaki to nahin
Tere bina zindagi se koi shikwa to nahin
Shikwa nahin shikwa nahin shikwa nahin
Tere bina zindagi bhi lekin zindagi to nahin
Zindagi nahin zindagi nahin zindagi nahin
Tere bina zindagi se shikwa to nahin

*** Song 'Tere Bina Zindagi Se' Video ***